تعارف - وكیپیڈیا

عزیز نبیل - تعارف

مختصر تعارف

شاعر ، محقّق اور صحافی عزیزنبیل (Aziz Nabeel) جدید اردو ادب کے منظرنامہ کا ایک بہت اہم اور نمایاں نام ہے. سالانہ ادبی مجلہ عالمی دستاویز کے مدیر اعلی ہیں۔ انجمن محبانِ اردو ہند، قطر کے جنرل سکریٹری اور مجلس فخرِ بحرین، بحرین کے مشیرِ خاص ہیں. اکّیسویں صدی کی بنیاد سے ابھر کر جن چند نئی، توانا اور اہم آوازوں نے اردو شاعری کی فضامیں اپنی متاثّر کن موجودگی کا احساس کرایا ہے ان میں ایک بہت نام عزیز نبیل کا ہے، ان کا شمار ایسے شعراءمیں ہوتا ہے جنہیں ادبی رسائل و جرائد او رمشاعروں میں یکساں طور پر پسند کیا جاتا ہے۔ ہندوپاک کے تمام اہم ادبی رسائل و جرائد میں باقاعدگی سے شاعری کی اشاعت کے علاوہ عزیز نبیل ہندوستان کے مختلف شہروں سمیت بحرین، کویت، دبئی اور قطر کے عالمی مشاعروں میں مسلسل مدعو کیے جاتے۔.
ان كا پهلا شعری مجموعه خواب سمندر كے نام سے 2011 میں شائع ہوا.





عزیزنبیل کی پیدائش 26 جون 1976ء کو ممبئی میں ہوئی. مستقل سکونت مہاراشٹر کے شہر بھیونڈی میں ہے.آبائی تعلق اترپردیش کے مردم خیز شہر الہ آباد کے قصبہ مئو آئمہ سے ہے اور 1999 سے قطر میں برسرِ روزگار ہیں. ابتدائی تعلیم جامعہ الفلاح اعظم گڑھ میں ہوئی جبکہ اعلی تعلیم جامعہ ملّیہ اسلامیہ، نئی دہلی سے مکمّل کی.

اعزازات[ترمیم]
ساحر لدھیانوی ایوارڈ برائے 2012 . مہاراشٹر اسٹیٹ اردو ساہتیہ اکیڈمی
عبدالغفور شہباز ایوارڈ برائے 2011 . بہار اردو اکیڈمی
فراق گورکھپوری ایوارڈ برائے 2012 . اردو وراثت کارواں، دہلی
امام بخش ناسخ ایوارڈ برائے 2013 . بزمِ ناسخ اور حرف حرف آئینہ سوسائٹی، برہانپور۔ مدھیہ پردیش
مجلّہ عالمی دستاویز، دوحہ دہلی[ترمیم]


عزیزنبیل نے مجلّہ دستاویز کے مدیرِ اعلی کی حیثیت سے اب تک دستاویز کے تین اہم اور یادگار نمبر ترتیب دیے.


(۱) رفتگاں نمبر 462 صفحات پر مشتمل اس شمارہ میں سن 2000 سے 2009 کے درمیان وفات پائے اہم شعراء و ادباء کی نمایاں تخلیقات کویکجا کیا گیا ہے اور ساتھ ہی اس دوران وفات پائے تین سو سے زائد شعراء و ادباء کا سوانحی اشاریہ بھی شامل کیا گیا ہے.


(۲) اردو کے اہم ادبی رسائل و جرائد نمبر، 700 صفحات پر مشتمل اس شمارہ میں اردو کے اہم ادبی رسائل وجرائد (از ابتدا تا حال) سے شاہکار تخلیقات کو شامل کیا گیا ہے اور آخر میں 600 سے زائد اردو کے ادبی رسائل و جرائد کا اشاریہ بھی شامل ہے.. جن رسائل کے گوشے شامل ہیں ان میں مخزن،زمانہ،افکار، نیرنگ خیال، نگار، ساقی، نقوش، شاعر، آج کل، ادب لطیف، سب رس، تحریک، ادبی دنیا شب خون، فنون اور اوراق جیسے رسائل شامل ہیں.


(۳) اردو کے اہم غیر مسلم شعراء و ادباء نمبر، 700 صفجتن پر مشتمل اس شمارہ میں اردو کے اہم غیر مسلم شعراء و ادباء کی تخلیقات کو یکجا کرکے ایک بہت اہم دستاویز تیار کی گئی ہے. حسبِ روایت رسالہ کے آخر میں 400 سے زائد غیر مسلم شعراء و ادباء کا سوانحی اشاریہ بھی ہے
کتاب "فراق گورکھپوری شخصیت، شاعری اور شناخت"[ترمیم]


2014 کے ابتدا میں عزیز نبیل کی مرتّب کردہ 800 صفحات پر مشتمل کتاب "فراق گورکھپوری شخصیت، شاعری اور شناخت" (ناشر، مجلس فخرِ بحرین برائے فروغِ اردو، مملکت بحرین) فراقیات کے باب میں گراں قدر اضافہ ہے. اس کتاب میں سہل تم نے فراق کو جانا، تذکرے اور خاکے، فراق فہمی، اور فراق نامہ جیسے ابواب قائم کرکے مشاہیر ِ ادب کے فراق کیے فن اور شخصیت پر مضامین کے علاوہ فراق کے خطوط اور فراق کے نام ادبی شخصیات کے خطوط، فراق کے انٹرویو، نثری تحریروں اور شاعری سے جامع انتخاب شامل کیا گیا ہے. کتاب کا انتساب بحرین کی فعّال ادبی شخصیت اور مجلس فخرِ بحرین کے روحِ رواں شکیل احمد صبرحدی کے نام ہے۔